ترنيمه عايز منك هديه

ياربي انت فادي انت ابويا اللي ليا
تعالي نور عليا واسكب نعمتك فيا
عايز منك هدية مش من الآرض دي
ايدك الحلوة النقية تفتح لي نور الوصيه
عايز حياتك وروحك يكونوا فيَ وليا
يمكن طلبي ببساطه يمكن بعشم زيادة
مانت ابويا اللي لي وانت اللي تحس بيا

عارف ان انا مسكين من غير وجودك حزين
عارف ان انا غلبان من غير حبك عطشان
معقوله تبخل عليا ياحبيبي وكل اللي ليَ
وأنت عندك المية الحية العذبة النقية
ياما عطشت كتير وحفرت بير ورا بير
مية مالحة ومرة اشربها في كل مرة
عايز منك هدية ميتك والآبدية

مش انت يارب انت امبارح زي النهارده
انا عشمي فيك كبير وايمان مالوش مثيل
اانا عارف اني عاصي من رجلي لحد راسي
مانت اديت السامرية ميتك والآبدية
يرضيك اعيش عطشان وأنت اوبيا الحنان
مانا شفتك واقف عندها عالبير وبتقولها
انا هديكي الينبوع يرويكي ويروي الجموع
عايز حياتك وروحك يكونوا فيَ وليا
يمكن طلبي ببساطه يمكن بعشم زياده
مانت ابويا اللي ليا وانت اللي تحس بيا

التحميل من هنا

http://www.4shared.com/get/46313479/2eb5cbfa/___online.html